2025 жылғы 12–15 маусым аралығында Корея спорт ғылымы институтының (KISS) ғалымдарының қатысуымен дене шынықтыру педагогтеріне арналған «Жазғы мектеп» халықаралық жобасы өтті. 2025 жылғы 12–13 маусым аралығында Астана қаласында Корея спорт ғылымы институтының қолдауымен Дене шынықтыру және бұқаралық спорт Академиясы, Қазақстан Республикасы Білім министрлігінің Ұлттық ғылыми-практикалық дене шынықтыру орталығы және Қазақстан Республикасы Ұлттық Олимпиада комитеті ұйымдастырған Халықаралық Жазғы мектептің академиялық бөлімі өтті.

Айта кету керек, мұндай форматтағы білім беру жобасы Қазақстандағы дене шынықтыру пәні мұғалімдеріне тұңғыш рет ұйымдастырылып отыр. Халықаралық Жазғы мектеп жобасы қатысушыларға жарқын әсер қалдырып, мәдени алмасу мен кәсіби ынтымақтастық үшін маңызды алаңға айналды.

Халықаралық Жазғы мектеп аясында тақырыптық көрмелер ұйымдастырылды, атап айтқанда, жүзуден ҚР Мемлекеттік жаттықтырушысы Гершевич Андрей Александрович түрлі жылдардағы Олимпиада ойындарының төсбелгілерінің жеке коллекциясын ұсынды, оны автор 15 жылдан астам толықтырып келеді. APEMS дене шынықтыру және спорт бойынша ғылыми жобаларды іске асыру кезінде қолданылатын ғылыми жабдықтар мен портативті тренажерлар ұсынылды; сондай-ақ APEMS қолданыстағы білім беру бағдарламаларын және спорттық менеджмент бойынша МВА инновациялық бағдарламасын таныстырды. ҰҒПДШО өз кезегінде тоғызқұмалақ, асық ату және басқа да ұлттық спорт түрлерінің көрмесін өткізді, онда қатысушылар дәстүрлі ойындармен танысып, өз күштерін сынап көрді. Корея спорт ғылымы институтының қонақтары асық ату ойынына ерекше қызығушылық танытып, оның ептілік пен тамаша үйлестіруді қажет ететінін атап өтті.

Іс-шара Корея Республикасының Қазақстан Республикасындағы Төтенше және Өкілетті Елшісі ЧЖО Тэ Ик мырзаның құттықтау сөзінен басталды. Ол білім, ғылым, дене шынықтыру және спорт салаларындағы Қазақстан-Корей ынтымақтастығын нығайтудың маңыздылығын атап өтті.

Қазақстан Республикасы Білім Министрлігінің тәрбие жұмысы және қосымша білім беру департаментінің директоры Қалмақов Ерлан Болатұлы құттықтау сөзінде педагогтердің кәсіби деңгейін арттыру үшін халықаралық білім беру бастамаларының маңыздылығын атап өтті.

KISS бас ғылыми қызметкері Ким Квон Иль мырза өзінің құттықтау сөзінде Корея Республикасы мен Қазақстан Республикасы арасындағы ғылыми-білім беру ынтымақтастығының маңыздылығын, Kiss және APEMS тиімді өзара іс-қимылын атап өтіп, Халықаралық Жазғы мектеп жобасы халықаралық тәжірибе алмасу және дене шынықтыру және спорт саласында озық әдістемелерді енгізу үшін тиімді алаң болуға арналғанын атап өтті. Корея спорт ғылымы институтының атынан Ким мырза ұйымдастырушыларға алғысын білдіріп, барлық қатысушыларға табысты және жемісті жұмыс тіледі.

Жазғы мектеп қатысушыларына Қазақстан Республикасы Ұлттық Олимпиадалық Комитетінің Бас хатшысы Әлімжан Убайдаұлы Ақаев, Қазақстан Республикасы Білім министрлігінің Ұлттық ғылыми-практикалық дене шынықтыру орталығының бас директоры Арман Бақытжанұлы Ташметов, Дене шынықтыру және бұқаралық спорт академиясының ректоры Тұрсынзада Қуанғалиқызы Қуанғалиева құттықтау сөз сөйледі. Олар өз сөздерінде салауатты және белсенді қоғамды қалыптастырудағы дене шынықтырудың негізгі рөлін, сондай-ақ педагогтар мен жаттықтырушыларды даярлаудың заманауи әдістерін енгізудің маңыздылығын атап өтті. Халықаралық білім беру бастамаларының және Кореяның спорт ғылымы институты сияқты шетелдік ғылыми ұйымдармен ынтымақтастықтың маңыздылығына ерекше назар аударылды. Сонымен қатар, дене тәрбиесі саласында кәсіби және мәдени алмасуды кеңейту үшін осындай іс-шараларды үнемі өткізу қажеттілігі атап өтілді.

Халықаралық Жазғы мектеп шеңберіндегі маңызды оқиға Дене шынықтыру және бұқаралық спорт академиясы мен Корей спорт ғылымы институты арасында, сондай-ақ Қазақстан Республикасы Білім министрлігінің Ұлттық дене шынықтыру ғылыми-практикалық орталығы мен Корей спорт ғылымы институты арасында ынтымақтастық және өзара түсіністік туралы меморандумдарға қол қою болды. Рәсім тараптардың ұзақ мерзімді ынтымақтастыққа, бірлескен жобаларды іске асыруға және дене шынықтыру және спорт саласындағы халықаралық тәжірибемен жүйелі алмасуға дайындығын атап өтті.

Халықаралық Жазғы мектептің теориялық бөлімі аясында 12–13 маусымда Корей ғалымдарының жалпы білім беретін мектептердегі дене тәрбиесіне заманауи көзқарастарға, мектеп спортын дамытудың өзекті мәселелеріне, дене шынықтыру сабақтарын жоспарлау мен өткізудегі физиологиялық аспектілерге арналған бірқатар дәрістері өтті.

Kiss бас ғылыми қызметкері Ким Вон Иль мырзаның дәріс материалы юнифайд-атлетика бағытына және ерекше білім беру қажеттіліктері бар білім алушыларды қолдауға арналды.

Әрі қарай, іс-шара КISS ғалымдарының мазмұнды баяндамаларымен жалғасты, атап айтқанда:

- Little Story Power Plant компаниясының президенті Ким Хен Джин Оңтүстік Кореяның азаматтарда дене белсенділігін тәрбиелеудегі тәжірибесімен бөлісті;

- Kiss спорт саясаты және даму департаментінің ғылыми қызметкері Парк Ён Нам Корея Республикасы дене шынықтыру мұғалімдерінің кәсіби қызметіне арналған тақырыпта сөз сөйледі;

- Kiss спорт индустриясы департаментінің ғылыми қызметкері Пак Вон Иль өзінің дәрісін Оңтүстік Корея мектептеріндегі дене шынықтыру саясатына және жастардың дене шынықтыруын бағалау әдістеріне арнады.

- 13 маусымда Халықаралық Жазғы мектептің жұмысы Kiss аға ғылыми қызметкері доктор ЧО Хен Джудың білім беру ресурстарын пайдалану, дене шынықтыру бойынша семинарлар өткізу, сондай-ақ ЮНЕСКО-ның білім беру саласындағы қызметі және Оңтүстік Кореяда халықты дене белсенділігі мен спортпен шұғылдануға тарту үшін іске асырылатын "Fit for Life" бағдарламасы туралы мазмұнды дәрістерімен жалғасты.

Қатысушыларды ҚР Ұлттық Олимпиада комитетінің қызметімен, кәсіби спорттық мансабын аяқтайтын спортшыларды әлеуметтендіру үшін комитеттің іске асыратын бағдарламалар мен бастамалармен таныстыру мақсатында, сондай-ақ 23 маусымда өтетін Халықаралық Олимпиада күні қарсаңында Халықаралық Жазғы Мектепте олимпиадалық білім туралы ҚР ҰОК спорт департаментінің бас менеджері,  Сеул ұлттық университетінің "Dream Together Program" спорт менеджерлерін даярлау жөніндегі халықаралық магистрлік бағдарламасының түлегі Тоғызбаев Олжас баяндама жасады.

Сессиялар арасында қатысушыларға кофе-брейктерге, түскі үзілістерге және бейресми қарым-қатынасқа уақыт берілді, бұл кәсіби байланыстар мен тәжірибе алмасуға өзіндік серпін берді. Халықаралық жазғы мектепке педагогтердің қатысуын және олардың дене шынықтыру саласындағы кәсіби өсуге ұмтылысын растайтын сертификаттарды табыстаудың салтанатты рәсімі академиялық бағдарламаның қорытындысы болды.

Дене шынықтыру мұғалімдеріне арналған «Жазғы мектеп» халықаралық жобасының тәжірибеге бағытталған бөлімі

2025 жылғы 14 және 15 маусымда «Жазғы мектеп» халықаралық жобасының тәжірибелік бөлімі Щучинск қаласында қысқы спорт түрлері бойынша олимпиадалық даярлау орталығының базасында жалғасты.

Бағдарламаға сәйкес, қатысушылар «Балдәурен» балалар орталығы мен «IQanat» мектебіне барып, осы ұйымдардың қызметімен және спорт нысандарымен танысты.

Экскурсиялық бағдарламадан кейін педагогтар Корея спорт ғылымы институтының ғалымдары мен практиктері О Ын Ен, Ким Су Джин, Ким Хью Джин өткізген мастер-класстар сериясына қатысты.

Шеберлік сыныптары жалпы білім беретін мектепте дене шынықтыруды оқытудың қолданбалы аспектілеріне, дене шынықтыру сабақтарын өткізудің заманауи тәсілдерін көрсете отырып, қазақстандық мұғалімдер мен Корей мамандарының іс жүзінде қолданылатын әдістемелермен алмасуына бағытталды.

Халықаралық Жазғы мектептің практикалық сабақтары эстафеталармен, командалық ойындармен, физикалық белсенділікпен интеллектуалды ойындармен толықты, бұл командалық рухты қалыптастыруға және қатысуға ықпал етті.

Кешкі уақытта мәдени іс-шара ұйымдастырылып, оның аясында қатысушылар қазақстандық дәстүрлі спорттық ойындармен танысты. Бұл шара мәдениетаралық диалогты дамытуға және достық ахуалды нығайтуға ықпал етті.

2025 жылғы 15 маусымда Халықаралық Жазғы мектеп қатысушыларының ұжымдық таңғы жаттығуы өткізілді. Одан кейінгі тәжірибелік сабақ барысында қатысушылар алған білімдерін іс жүзінде қолданып, тапсырма бойынша дене шынықтыру сабағының жеке жоспарларын әзірлеп, оны таныстырды. Бұл – мазмұнды практикалық бөлімнің логикалық қорытындысы болды. Жоба педагогтарға кәсіби дағдыларын тереңдетуге, өзара тәжірибе алмасуға, оқу процесіне жаңа әдістерді енгізу перспективаларын талқылауға және одан әрі ынтымақтастық бағыттарын белгілеуге мүмкіндік берді.

Дене шынықтыру және бұқаралық спорт Академиясы халықаралық ынтымақтастықты одан әрі дамыта отырып, осындай жобаларды жүзеге асыруды жалғастыруды көздейді. Бұл өз кезегінде Қазақстан Республикасында білім беру, ғылым, дене шынықтыру және спорт салаларын дамытуға елеулі үлес қоспақ. 

Фотографии