Деканат – оқу үдерісін үйлестіру және әкімшілік қамтамасыз ету, іс қағаздарын жүргізу функцияларын жүзеге асыратын APEMS-тің құрылымдық бөлімшесі болып табылады. Деканат оқытушылардың және студенттердің оқыту және оқу процесстерінің оқу бағдарламасына сәйкестігін бақылайды, жоғары оқу орнының академиялық саясатына сәйкес туындаған әрбір мәселе бойынша шешім қабылдайды.

Деканат қызметінің негізгі бағыттары

• Оқытушылардың жұмысын бақылау (оқу жоспарының орындалуы, құжаттама және т.б.);
• Білім алушылардың оқу үлгерімін бағалау;
• Қабылдау комиссиясымен үміткерлерді оқуға тарту және қабылдау бойынша бірлескен жұмыстарды орындау;
• Білім беру қызметін ұйымдастыру (оқу жоспарларын, жеке оқу бағдарламаларын, сабақ кестесін бекіту және т.б.);
• Студенттермен жұмыс: ұйымдастырушылық және жалпы мәселелерді шешу, студенттерге жеке мәселелері бойынша кеңес беру, сұраныс орнында анықтамалар мен басқа да құжаттарды дайындау және ұсыну;
• Бұйрықтар мен өкімдерді тіркеу (оқуға қабылдау, оқудан шығару, ауыстыру және т.б. бойынша).

Сонымен қатар, деканат студенттердің сабақтан тыс уақытта да жан-жақты дамуына мүмкіндік беріп, студенттердің көшбасшылық, шығармашылық қабілеттерін, спорттық рухын және белсенді өмірлік ұстанымын дамытуға қолайлы жағдайлар жасауда.

Деканат қызметінің қосымша бағыттары

• Студенттердің бастамаларын қолдау;
• Студенттік клубтардың жұмысын үйлестіру;
• Студенттердің өзін-өзі басқару жұмысын дамыту және үйлестіру;
• Жатақханаға орналасу және тұру бойынша кеңес беру;
• Білім алушылармен әлеуметтік-тәрбие жұмыстарын жүргізу (азаматтық-патриоттық, рухани-адамгершілік, мәдени-эстетикалық бағыттар).