APEMS EMBA Sport Management бағдарламасының тыңдаушылары Швецияның Карлскрона қаласына Stena Line лайнерімен келіп, тәжірибеден өтті. Бағдарлама барысында заманауи спорттық инфрақұрылымды басқару, рекреацияны дамыту және бұқаралық спортты қолжетімді ету бағыттары бойынша бірқатар іс-шаралар жүзеге асырылды.

Тағылымдама аясында:

- практикалық талдау жүргізілді;

- Швецияның мәдениеті мен рекреациялық ресурстары зерттелді;

- ашық су қоймаларында яхтинг және су спорты түрлерін дамыту мүмкіндіктері қарастырылды;

- спортты үлкендерге қолжетімді ететін “Күміс университет” бағдарламасы таныстырылды;

- Карлскрона қалалық аппаратының спортпен шұғылдануға жағдай жасау іс-шаралары бақыланды.

Тыңдаушылар бұқаралық спортты дамытудың еуропалық үлгілерімен танысып, аға буын үшін спорттық белсенділікті арттыруға бағытталған әлеуметтік бағдарламалардың тиімділігін бағалады. Спорт ұйымдарының топ-менеджерлері жаңа идеяларды бейімдеу және енгізу арқылы спорттың қолжетімділігін арттырудың нақты жолдарын ұсынды.