2025 жылдың 19 сәуірі SPORT EMBA TALKS – 2025 форумының аясында Дене шынықтыру және бұқаралық спорт академиясының Спорт менеджменті бойынша Executive MBA бағдарламасының екінші ағымының түлектеріне диплом тапсыру рәсімі өтті.

Форум тәжірибе алмасу, спорт индустриясындағы заманауи үрдістерді талқылау және басқарушылық құзыреттіліктерді дамыту үшін маңызды алаң болды. Іс-шараға Ұлттық Олимпиада комитеті, Спортты дамыту дирекциясы, спорт федерациялары басшылары, олимпиадалық резерв спорт мектептерінің директорлары, жаттықтырушылар, спорт клубтары және басқа спорттық мекемелердің өкілдері қатысты.

EMBA Sport Management бағдарламасы спорт саласындағы басқарушы кадрларды даярлаудағы жетекші білім беру платформасы ретінде өзін көрсетті. Қазіргі таңда бағдарламаның тыңдаушылар саны 200-ден асты. Екінші түлек легі 42 магистрантты қамтыды, олардың қатарында спорт мектептерінің басшылары, федерация директорлары, еңбек сіңірген жаттықтырушылар, қоғам қайраткерлері және спорт саласының басқа да өкілдері бар.

Барлық түлектер EMBA Sport Management Alumni түлектер желісінің мүшесі атанды. Бұл желі кадрлық әлеуетті нығайту және спорт саласындағы басқарушылық тәжірибе алмасу үшін құрылды. Түлектер желісінің төрағасы ретінде Қазақстан Республикасының Туризм және спорт министрі тағайындалды.

EMBA Sport Management бағдарламасы жаңа буын кәсіби мамандарын дайындайтын платформа ретінде өз орнын нығайтып келеді. SPORT EMBA TALKS форумы EMBA Sport management бағдарламасы – бұл жай ғана білім емес, саналы көшбасшылыққа, инновация мен еліміздегі спорттың тұрақты дамуына апаратын жол екенін тағы да дәлелдеді.