2023 жылдың 22 ақпанында Дене шынықтыру және бұқаралық спорт академиясында АҚШ-тың Лейк-Плэсид қаласында өткен Халықаралық қысқы Универсиадада өзін көрсете білген екі тамаша спортшымызға құрмет көрсетілді.

Универсиадада жоғары нәтиже көрсеткен Жанисов Санжар мен Сағатов Бақдәулетке алғыс хат пен естелік сыйлықтар табысталды. Санжар универсиадада шорт-тректен сайысқа түсіп, 2-ші орынды жеңіп алып, күміс медальға ие болды. Бақдәулет конькимен жүгіруден 5 мың метр қашықтықта жарысып, 5-ші орынға ие болды.

Біздің спортшылар дайындықтың жоғары деңгейін, шеберлік пен нағыз жауынгерлік рухты көрсетті. Олар халықаралық аренада Академиямыздың және еліміздің намысын қорғады. Біз олармен мақтанамыз және спортта және оқуда одан әрі табыстарды тілейміз.