Кездесу барысында ұлттық спорт түрінен спортшыларды даярлау жүйесін жетілдіру мақсатында Академия әзірлеген Қазақстандағы алғаш рет жүзеге асырылып отырған «Қазақ күресінен педагог-жаттықтырушы» білім беру бағдарламасы аясында қазақ күресін дамыту мәселелері талқыланды.

Кездесуде спорттық білім беруді, атап айтқанда Спорт менеджментін дамытуға бағытталған ынтымақтастық туралы Меморандумға қол қойылды. Аталған ынтымақтастық профессор-оқытушылар құрамын жұмылдыра отырып, ортақ ғылыми және ғылыми-технологиялық зерттеулер ұйымдастыруды, студенттер алмасуды, әртүрлі деңгейдегі конференциялар, семинарлар өткізуді және бірлескен білім беру бағдарламаларын жүзеге асыруды көздейді.

Үндістан делегациясының Дене шынықтыру және бұқаралық спорт академиясына сапары Астанада өтетін 5-ші Дүниежүзілік көшпенділер ойындарына орайластыра ұйымдастырылған болатын.