Дене шынықтыру және бұқаралық спорт академиясында "Бапкерлік қызметіндегі спорт психологиясы" бойынша біліктілікті арттыру курсы сәтті аяқталды.

Бұл курс Дене шынықтыру және бұқаралық спорт академиясының Бапкерлік шеберлік академиясы тарапынан ұйымдастырылып, әртүрлі деңгейдегі спортшылармен жұмыс істейтін бапкерлер мен мамандардың кәсіби дағдыларын жетілдіруге бағытталған.

Сарапшы: Гульден Атыльбековна Сатемирова – спорт психологы, Астана қаласының спорт психологтары бірлестігінің төрайымы.

Курс 2025 жылдың 12-28 наурызы аралығында өтті. Курсқа Қазақстанның әртүрлі өңірлерінен спорт саласының мамандары қатысты: Астана, Атырау, Петропавл, Кызылорда, Орал, Өскемен қалалары.

Курстың мақсаты:

• Спорт психологиясының негіздерін терең меңгеру;
• Спортшыларды психологиялық тұрғыдан дайындау әдістерін үйрену;
• Мотивацияны арттыру стратегияларын және төзімділікті дамыту;
• Бапкерлік қызметке заманауи көзқарастарды қолдану.

Курс бағдарламасы:

• Спорт психологиясының теориялық негіздері;
• Спортшылардың психологиялық күйін басқарудың практикалық әдістері;
• Нақты бапкерлік тәжірибелерден алынған мысалдар мен жағдайлық талдаулар;
• Интерактивті сабақтар мен топтық талқылаулар.

Курстың нәтижелері: қатысушылар теориялық білімдерін ғана емес, сонымен қатар спортшыларға қолдау көрсету үшін құнды практикалық дағдыларды да меңгерді. Ерекше назар стрессті басқару, спортшылардың сенімділігін арттыру, көшбасшылық қасиеттерін дамыту және тиімді коммуникация стратегияларын қалыптастыру әдістеріне аударылды.

Спорттық писхология курсы аяқталған соң қатысушыларға біліктілікті арттыру сертификатары табысталды.