Назарбаев Университетінің профессоры, философия докторы Jamwal Prashant-пен «Спорттық реабилитация» инновациялық білім беру бағдарламасын бірлесіп жүзеге асыру мәселелері бойынша мазмұнды кездесу өтті.

Кездесу барысында спорттық медицина мен спортшыларды қалпына келтіру саласына жасанды интеллектті енгізу бағыттары және негізгі ынтымақтастық формалары анықталды.

Бұл серіктестік спорттық реабилитация саласындағы ғылыми-білім беру ортасын дамытуға, сондай-ақ жоғары білікті мамандар даярлау үшін озық технологияларды енгізуге жол ашады.