Шахмат – стратегиялық өнер, мұнда әрбір қадам маңызды. Бүгін Дене шынықтыру және бұқаралық спорт академиясы мен Қазақстан шахмат федерациясы арасында өзара түсіністік және стратегиялық ынтымақтастық туралы Меморандумға қол қойылды.

Бұл серіктестік «Үстел үсті спорт түрлері бойынша педагог-жаттықтырушы (шахмат)» білім беру бағдарламасын бірлесіп іске асыруға бағытталған. Екі жақ бұл бірегей бағдарламаны алғаш рет Қазақстанда жүзеге асырып жатыр

Бағдарламаның тәжірибеге бағдарлануы шахмат бойынша федерацияның еңбек сіңірген жаттықтырушыларын оқытушылық қызметке тарту, федерация базасында кәсіптік практикалар мен тағылымдамалардан өту және сараптамалық қызмет жүргізу арқылы қамтамасыз етіледі.

Шахмат білімін дамыту және жетілдіру Қазақстан Республикасы үшін кәсіби кадрлар даярлауға, елде шахматты танымал етуді қамтамасыз етуге, сондай-ақ халықаралық спорт аренасында құрама команданың нәтижелілік көрсеткіштерін жақсартуға мүмкіндік береді.‼️