Қазақстан Республикасының Президенті Қасым-Жомарт Тоқаевтың Францияға сапарына орай ұйымдастырылған Қазақстан-Франция Іскерлік кеңесі аясында Дене шынықтыру және бұқаралық спорт академиясының делегациясы Франциядағы INSEP халықаралық спорт ұйымына (Ұлттық спорт, сараптама және өнімділік институты) сапар жасады.
Әлемдегі жетекші спорт ұйымдарының бірі саналатын INSEP-ке сапар барысында біздің делегация танымал жаттықтырушылармен және спортшылармен кездесу өткізіп, институттың бірегей спорттық инфрақұрылымымен танысты.
Кездесу кезінде ынтымақтастық перспективалары, спортшыларды даярлау бойынша тәжірибе алмасуға бағытталған бірлескен жобалар, сондай-ақ жаттығу және қалпына келтірудің инновациялық әдістерін енгізу мәселелері талқыланды. Біздің мамандар француз әріптестерімен білімдерін бөлісіп, мәдени алмасу мен спорттық дипломатияның маңыздылығын атап өтті.
