2025 жылғы 10–20 қазан аралығында Қаржылық қауіпсіздік бойынша республикалық диктантты ұйымдастыру тұжырымдамасын іске асыру аясында Дене шынықтыру және бұқаралық спорт академиясында қаржылық қауіпсіздікке арналған диктанттар ұйымдастырылып, өткізілді. Аталған іс-шараның негізгі мақсаты — жаппай ағартушылық формат арқылы Қазақстан Республикасы халқының қаржылық қауіпсіздік деңгейін арттыру.
Іс-шара барысында академия студенттерінің басым бөлігі белсенді қатысып, қаржылық сауаттылық пен қауіпсіздік мәселелеріне жоғары қызығушылық танытты. Диктант сұрақтары интернеттегі қаржылық қауіпсіздікке қатысты өзекті тақырыптарды қамтыды, атап айтқанда: фишинг пен алаяқтық, дропперлік, дербес деректерді қорғау, банк өнімдері және оларға байланысты тәуекелдер, қаржы пирамидалары, инвестициялар, кредит беру мен қарыздық міндеттемелер, сондай-ақ кең таралған алаяқтық схемалар.