Дене шынықтыру және бұқаралық спорт академиясының (APEMS) Бельгия білім беру кеңесімен стратегиялық серіктестігі аясында Академиялық қызмет жөніндегі проректор Т. К. Куангалиева Брюссель қаласында (Бельгия🇧🇪) ғылым мен жоғары білім беруді дамытуға арналған халықаралық конференцияға қатысты. Конференцияға 🇪🇺 Еуропалық Одақ елдерінің жоғары білім министрліктерінің, көптеген халықаралық білім және ғылым ұйымдарының, үкіметтік емес ұйымдардың өкілдері қатысты.

Бұл қатысудың қорытындысы жоғары оқу орындарын интернационалдандыруға ықпал ететін, олардың халықаралық стратегияларын, іс-шаралары мен жобаларын әзірлеуде және іске асыруда қолдау көрсететін, олардың әлемде көрнекілігі мен тартымдылығын арттыратын Негіздемелік келісім жасасу болды.

Бұл серіктестік студенттердің ұтқырлығын дамыту, ғылыми қызметкерлер мен оқытушылармен алмасу, бірлескен зерттеулер жүргізу және Болон процесінің принциптерін ілгерілету бойынша APEMS ұстанымдарын күшейтеді.

#APEMS #MBA #EMBA #Kazakhstan