Дене шынықтыру және бұқаралық спорт академиясы Болгариядағы Ұлттық спорт академиясымен ынтымақтастық туралы меморандумға қол қойды! Ынтымақтастық келісімі ғылым саласын, соның ішінде ғылыми зерттеулерді, басылымдар алмасуды және академиялық ұтқырлықты қамтиды.

Қос диплом бағдарламасын талқылауға ерекше назар аударылды. Болгарияның Ұлттық спорт академиясы осы бағыттағы ынтымақтастыққа келісімін білдірді! Бұл біздің студенттерге әлемдік бәсекеге қабілеттілігін кеңейте отырып, екі беделді оқу орнынан екі диплом алудың бірегей мүмкіндігін береді.

Болгариядағы Ұлттық спорт академиясына бізбен ынтымақтасуға дайындығы мен құлшынысы үшін шынайы алғысымызды білдіреміз. Бірлесе отырып, біз білім беру мекемелеріміздің және ғылыми жетістіктеріміздің дамуына ықпал ететін берік және ұзақ мерзімді серіктестік құра аламыз.