Бүгін Дене шынықтыру және бұқаралық спорт академиясы Қазақстан Республикасы Туризм және спорт министрлігінің Спортты дамыту дирекциясына Executive MBA «Спорт менеджменті» бағдарламасын таныстыру мақсатында барды. Бұл бағдарлама Польшадағы Быдгощ университетінің спорт факультетімен бірлесе әзірленген және Қазақстан аумағындағы бірегей жоба болып табылады. Бағдарлама спорт саласындағы жобалар мен ұйымдарды халықаралық деңгейде басқаруға қабілетті жоғары білікті мамандарды дайындауға бағытталған. Кездесу барысында: • бағдарламаның негізгі модульдері; • спорт менеджментіндегі заманауи тәсілдер; • халықаралық ынтымақтастық және тәжірибе алмасу мүмкіндіктері таныстырылды. ЕМВА «Спорт менеджменті» бағдарламасы спорт саласының мамандарына жаңа мүмкіндіктер ашып, Қазақстанда және шетелде спорт индустриясын табысты дамыту құралдарын ұсынады.