Дене шынықтыру және бұқаралық спорт академиясы (APEMS) WSG University-мен (Польша) бірлесіп, Қазақстанда алғашқы дәрігерге дейінгі медициналық көмек көрсету жүйесін дамытуға бағытталған «RITA» (Region in Transition) халықаралық жобасын іске асыруда.

Жоба серіктестері:

• WSG University (Польша)
• Дене шынықтыру және спорт институты (Польша)
• Laerdal Medical (Норвегия)
• WOPR су-құтқару қызметі (Польша)
• Польша Республикасының Қазақстандағы Елшілігі

APEMS бұл жоба аясында тұрақты түрде «Алғашқы дәрігерге дейінгі медициналық көмек көрсету қағидалары» (Еуропалық реанимация кеңесінің стандарттарына сәйкес) тақырыбында тренингтер өткізеді, сондай-ақ тыныс алу мен жүрек қызметінің тоқтауы кезіндегі әрекеттер алгоритмі бойынша практикалық оқыту жүргізеді.

2025 ж. 5-6 наурыз күндері бұл оқудан AITU университетінің оқытушылары AI-датчиктері бар Норвегияның инновациялық симуляциялық кешенінде практикалық оқытудан өтті. Оқытуды ERC BLS сертификатталған нұсқаушылары жүргізді:

• Әзербаев Даулет Нұрболатович
• Әбілтаева Айнұр Асхатқызы
• Ниғметов Қанат Уәлиденұлы
• Сұлтанов Бауыржан

Алғашқы дәрігерге дейінгі медициналық көмек жүйесін дамыту – қоғам қауіпсіздігінің маңызды қадамы! Университет 4.0 даму бағыты – қоғамға деген әлеуметтік жауапкершілік пен қауіпсіз білім беру ортасын құру болып табылады. APEMS пен AITU серіктестігі – ғылым, спорт және медицинаның үйлесуі, бұл білімді қоғам игілігі үшін пайдалануға мүмкіндік береді.